Mae CCUHP yn golygu Confensiwn y Cenhedloedd Unedig ar Hawliau’r Plentyn. Mae’n rhestr o hawliau sydd gan bob plentyn a pherson ifanc, ble bynnag yn y byd, ni waeth pwy ydyn nhw, ble maent yn byw na’r hyn maent yn credu ynddo.

Mae gan y CCUHP 54 erthygl ynddo, mae 42 yn hawliau i blant a phobl ifanc hyd at 18 oed. Mae’r lleill yn ymwneud â sut y dylai llywodraethau ac oedolion gydweithio i wneud yn siŵr y gall plant a phobl ifanc ddefnyddio’u hawliau.

Mae’r hawliau ar y rhestr yn bethau y mae ar blant a phobl ifanc eu hangen i wneud yn siŵr eu bod yn ddiogel, bod ganddynt y pethau y mae arnynt eu hangen i oroesi a datblygu, a’u bod yn cael dweud eu dweud ar benderfyniadau sy’n effeithio ar eu bywydau.

Os hoffech ddarllen mwy am hawliau plant yng Nghymru ewch i wefan Hawliau Plant yng Nghymru.

 

Mae'r tudalennau talu a ddefnyddir i dalu arian cinio ar-lein wedi newid. Bydd y system newydd yn cynnig i chi fel rhieni'r gwelliannau canlynol:

• Bydd yn edrych a theimlo'n fwy cyfeillgar i'r defnyddiwr
• Bydd 'Basged siopa' yn rhoi'r dewis i ychwanegu eitemau lluosog gydag un taliad ar 'Checkout'
• Mae'r gallu gennych i gofrestru cyfrif neu gallwch arbed y cyfeiriadau disgybl i'w defnyddio i dalu yn rheolaidd
• Mae rhieni sy'n cofrestru hefyd yn gallu dewis i arbed eu manylion cerdyn
• Bydd tudalennau Taliad yn addasu eu maint i arddangos ar ffôn symudol neu dabled

Ni fydd unrhyw beth yn newid o ran sut yr ydych yn cael gwybod am daliadau, byddwch yn parhau i dderbyn eich adroddiadau arian cinio fel arfer. Hefyd, gall rhieni barhau i ddefnyddio eu rhifau cyfeirnod presennol. Am fwy o wybodaeth, cliciwch ar y ddolen ganlynol:

https://www.civicaepay.co.uk/RhonddaEstore/estore/welsh/Account/Login

Os ydych chi’n rhiant/cynhaliwr, neu’n disgwyl babi, hoffwn ni gael gwybod eich barn am y ddarpariaeth gofal plant yn RhCT, hyd yn oed os nad ydych chi’n manteisio arno.

Bydd llenwi’r holiadur hwn yn ein cynorthwyo ni i ddod o hyd i fylchau posibl yn y ddarpariaeth gofal plant.

Bydd pob holiadur llawn yn cael ei gynnwys mewn raffl i ennill tocynnau i Ogof Deganau Siôn Corn ym Mharc Treftadaeth Cwm Rhondda (telerau ac amodau yn berthnasol).

Llenwch yr holiadur ar-lein yma https://www.snapsurveys.com/wh/s.asp?k=147384648203 neu ffonio’r Gwasanaeth Gwybodaeth i Deuluoedd ar 0800 180 4151 (neu’n  rhad ac am ddim o ffonau symudol ar 0300 111 4151) os hoffech chi gopi papur neu ragor o wybodaeth.

Bydd yr holiadur yn dod i ben ar 11 Tachwedd 2016.