Croeso nôl i’r ysgol i dymor olaf y flwyddyn academaidd hon. Yn dilyn llwyddiant ysgubol y sioe gerdd ‘Sweeney Todd’ yn ddiweddar, taith sgio i Saalbach, Awstria a thaith Drama i Fenis dros y gwyliau Pasg, mae’r ysgol yn dychwelyd i’r drefn arferol. Er bod tymor yr haf yn cael ei gysylltu gydag arholiadau allanol i ddisgyblion blynyddoedd 10-13 mi fydd sawl digwyddiad ysgol gyfan ar y gweill.
O ran staffio, hoffwn groesawu Mrs Lowri Thomas yn ôl ar ol cyfnod o famolaeth a dymunaf gyhoeddi ymddiswyddiad Mrs Teresa Hunt fel athrawes Mathemateg o’r ysgol. Cofiwch fod yr ysgol ar gau ddydd Llun Mai 6ed 2013 oherwydd Gŵyl y Banc ac ar ddydd Gwener Mai 10fed 2013 oherwydd HMS. Cynhelir y Mabolgampau eleni yn Stadiwm Llecwydd, Caerdydd ddydd Gwener Mai 24ain 2013 ac Eisteddfod yr ysgol ddydd Gwener Gorffennaf 12fed 2013 yn y Coliseum, Aberdâr. Bydd manylion pellach i ddilyn.
Gyda’r cyfnod arholiadau allanol yn brysur agosau mae’r arfer o ganiatau disgyblion i adael yr ysgol am gyfnod astudio wedi dod i ben ac felly disgwylir i ddisgyblion fynychu’r ysgol rhwng yr arholiadau. Byddwn yn addasu amserlen y disgyblion ac yn darparu cyfnodau adolygu a fydd yn cydfynd gyda’r amserlen arholiadau.
Diolch yn fawr unwaith eto am eich cefnogaeth.
Hywel Price Prifathro
| 
